潛台詞
有抑鬱症嘅人係有樣睇嘅。
當鼓起咗勇氣同朋友分享自己嘅經歷之後，有時可能會俾人評論或者質疑自己係咪講緊笑。其實，有抑鬱症嘅人唔一定每一秒都係唔開心，有焦慮症嘅人亦唔係時時刻刻都喺度提心吊膽。就算被診斷有同一個精神病，好多時一百個有抑鬱症嘅人會有一百個唔同嘅經驗同故事。講喱番說話之前，不妨試下先了解同聆聽對方嘅故事。
潛台詞
唔想『有精神病』成為事實。
講喱番說話嘅人可能只係為身邊嘅親人、朋友擔心，唔希望身邊嘅人有病，唔想對方辛苦。而對於屋企人同朋友嚟講，一時間要接受喱個消息係一件好唔容易嘅事。基於社會上對精神病嘅污名，對好多人嚟講，可能包括復元人士自己，精神病始終係一件陌生、唔敢行近同觸碰嘅事。
所以，你嘅耐心、支持同陪伴真係好重要同寶貴㗎。除咗可以喺難關之中支援對方，或者透過聆聽對方嘅故事，你可以更深入同重新去認識對方。
潛台詞
精神病係可以攞嚟講笑嘅。
喱句說話相信唔少人都聽過或者講過，可能係同朋友講笑嘅時候講過，亦可能係喺嬲或者鬧人嘅時候講過。但其實青山醫院都係俾人接受治療同休養嘅地方，當我哋攞佢嚟講笑嘅時候，就好似認同精神病係可以攞嚟講笑嘅。試想像一下，如果將青山換成治療其他病嘅地方，例如係癌症病房，大家好可能未必笑得出。
我哋可以多啲注意自己同身邊人嘅日常用語，唔好攞精神病嚟講笑，例如減少用 「病發」、「未食藥」、「嚟料」、「青山係痴線嘅人先會入去」、「精神病人係痴線」 等用語，注意同更正身邊人嘅言辭。久而久之，已經足夠影響到社會嘅氛圍，為精神病去污名化帶嚟正面嘅影響。
It's pitiful, he is suffering from mental illness and it’ll follow him for the rest of his life.
潛台詞
有精神病嘅人係不幸而且好唔返嘅。
好多時，我哋會認為有精神病係一件非常不幸嘅事。但好多時生命中正因為經歷過一啲難關，先令到我哋睇到生命嘅美好。無論一個人有無精神病經歷，我哋都係一個完整同活生生嘅人，一個擁有唔同面向嘅人。「病」並唔係一個人嘅全部，亦都無可能係一個人嘅全部。
再講，透過發掘合適自己嘅治療方向，好多人都可以好返或者搵到同精神病共處嘅方式，減低病徵出現嘅頻率、程度同病徵對日常生活嘅影響，甚至喺過程裏面搵到自己嘅人生意義，建立自我價值。
如何對抗微歧視？
要對抗微歧視嘅方法其實都好簡單，下次遇到有精神困擾嘅人，我哋可以嘗試：
1） 主動關心同聆聽佢哋；
2）喺日常生活裏面注意或者更正一下自己嘅日常用語，唔好攞精神病嚟講笑；
3）留意自己有無對精神病有某啲假設。
喱啲簡單嘅舉動積少成多，已經足以影響到社會嘅氛圍。千其唔好睇少自己嘅影響力呀，締造一個平等嘅社會好需要我哋每一個人嘅努力！